無敵鐵甲金剛手(^^)
問候
首先~我張家興真係要喺度多謝每位睇咗我篇BloG致電同留comment關心我老竇情況嘅[善長人翁]！因爲如果冇你哋嘅問候，我老竇唔會誇張到呢頭話做手術，嗰頭早上就話出院！真係快到~…………我都未有機會喺佢瞓嗰張病床扮病人影相擺上friendster或者facebook呀(^^)
金剛手
住咗一晚價值RM8913嘅[背路面路無敵馬車路嘅總統套房豪華式酒店]！老竇都係時候帶住佢隻[2008年冬季最新最潮嘅黃金殖片6粒螺絲終極無限鉄甲金剛手]離開啦~(哈)！返到屋企…親朋戚友除咗嚟探病之外，其實都紛紛前來見識下呢個比Gucci同L路V更貴更限定嘅(重復多一次)[2008年~冬季最新最潮嘅黃金殖片6粒螺絲終極無限鉄甲金剛手]~(哈哈)
賀一賀
親朋戚友為咗慶祝老竇獲得呢一隻聞風喪膽，舉世無雙，全球限定得一隻嘅~(再重復多一次))[2008年~冬季最新最潮嘅黃金殖片6粒螺絲終極無限鉄甲金剛手]，一於決定[打麻雀]賀一賀佢(^^)但當然~老竇呢隻(驚重復得多會畀人打,所以用簡稱^^)[黃金殖片6粒螺絲終極無限鉄甲金剛手]啱啱至裝上，邊有咁快可以[啓動]啦？所以佢唯有強吞咗冇得打麥雀啖氣，乖乖坐喺一邊聼住D當時非常極之刺耳嘅[[碰]]!!!
又嚟？
雖然只係一日冇得打麻雀……但對於一個浪跡天涯，踏破紅塵，看慣塵世，背負住一家5口每日鮑參翅肚食入肚嘅70歲高齡人士嚟講，[喂~大佬！你叫我唔打麻雀，點忍哦？]所以老竇終于忍唔住啖氣，決定[強硬啓動]呢個(簡稱重復)[黃金殖片6粒螺絲終極無限鉄甲金剛手]一嘢拍落張麻雀檯度嚟個[一拍兩散]，點知~老竇仲未適應力度，原本只係打算用(簡簡稱)[金剛手]運行如來神掌第2式[峨嵋佛燈]畀大家下一D馬威，但[金剛手]卻強行運用呢個叫[量子殺機]英文翻譯為[Quantum Of Solace]嘅程式對大家動殺機!!!老竇見唔妥，即刻以另一隻手封住[金剛手]嘅穴道，講時遲，嗰時快，[金剛手]反噬力量實在太大啦，老竇無能阻止[POOK]一聲…….仆咗落地……又傷咗!!!不過呢次唔係隻[2008年冬季最新最潮嘅黃金殖片6粒螺絲終極無限鉄甲金剛手]，而係佢嘅……[八月十五](==)ll
PS：返到屋企又再跌真係嚇Q死我!!!不過好彩今日佢精神良好。唉~阿老竇呀老竇，我保你大呀，小心D身體至得架！
Help:Friendster Blog[改革]之後，我唔識得係BloG度放相呀！請問有冇人可以教下我呀？Thanks(^^)
骨折…
迅雷不及掩耳，爸一失足…手骨折斷了！此時…只有他一人在家…！和媽從銀行到家，爸坐在電視前涂著跌打酒揉患處，與媽看見爸的手，表情不禁180度轉變，因為爸的手背發腫，手指雖然能動，但明顯的…前臂的骨…已一分為二了…
友人介紹，大哥與媽立即帶爸前往Subang醫院尋找骨科專科醫生。經過分析…爸要立即動手術…
爸今年70歲…我跟他相差45年，自我懂事以來…印象中…老爸從未進過醫院…。下午…當知道他要動手術那刻…我眼眶紅了…雖說…只是簡單的手臂手術，但…我很害怕….我很害怕失去他…
今晚要錄劇…我沒跟去醫院，況且明天是農歷十月十五…(每逢初一或十五的前一天，家里都要忙很多拜神儀式上的工作，而平常這些工作都是媽在打理。今天她要陪在爸身邊，在寫這篇blog前…我已把所有工作完成了)剛接到哥電話，爸已開始動手術了…希望他手術成功！
失控…
9月21號喺Perhentian返嚟后…每日情緒起伏好大…
開朗時…似個天真嘅細路；暴躁時…似個醉酒嘅醉漢…
我…我真係完全唔識控制我情緒…
更家唔知我喺度做緊咩…?
組織能力…記憶力…全部受到障礙!!!
組織能力差…兩年前我畀人講過~我到依家都記得清清楚楚！(但我好想克服佢呀!!!)
記憶力…對於人所做過嘅嘢,我記性係一流架！但我就一直記唔到我所讀過每樣嘢！我嘅腦究竟咩事呀???
我好緊張…我擔心…我好驚呀!!!
我好想克服所有嘢,恢復元氣…就好似上個月向住目標邁進嗰种自信爆棚嘅樣呀!
但越接近…我越驚…
我好驚我會失敗…我真係好驚…
D咁不安嘅情緒…我[壓抑]咗成個禮拜….
係成個禮拜呀…
喺出邊…或者我真係掩飾得好好…
但喺屋企……我媽係知道佢仔成個人係落曬型…
頭先我搵咗位讀[心理系]嘅朋友食嘢…
我好鍾意同佢傾偈，因爲佢總係可以開導我！
對於人生從來冇目標嘅我，難得目標鮮明，連佢都感到意外…
[不要抱任何希望，希望越大，失望越大！以平常心，做好本分就好！]
簡單兩句説話…
或者我真係畀我自己太大壓力啦，我竟然連呢D咁基本嘅道理都忘記咗！
再咁落去~我真係會弄巧反拙…乜都冇曬！
[能解決問題的...也只有你[自己]而已]
呢句嘢我以前周時講人架，估唔到而家竟然要畀人講返！
寫到呢度…情緒好返D啦…
唉~估唔到張家興都有失去意志的一刻…(==)ll
而家要做嘅列~就係瞓返個好覺，然後重新振作…(^^)
跟住聼日再重新Plan返我而家[應該]做嘅嘢~！
振作振作~張家興，你要記住而家你所對住嘅目標係你今年第2個生日願望嚟架!
千祈唔好再畀咁大壓力自己啦！
正所謂[凡事豈能盡人意，但求無愧於心]！
結果係如何唔緊要…但至少我問心無愧爭取過!
再次Recall[搞清立場，心無雜念，前往目標~](^^)
5歲…那一年…
緋聞情人
分手之後,偶然會同唔一樣嘅女性出街!當每次遇到熟人,明明就冇任何親密動作,但對方都會認定身邊位女士,同我實係有D嘢!當然~人哋鍾意點諗,我唔可以阻止,同時亦無權阻止!不過最好笑就係…估唔到依家連同男性出街,都會有人以爲[我實同佢有嘢]!我真係覺得好荒蕪囉!
瘡疤
呢篇BloG其實我真係猶豫咗好耐要唔要寫出嚟!因爲寫出嚟后,我實會得罪[某類人]!同時…亦將我由細Keep到大冇同過任何人講過嘅一件醜事公諸於世!但D流言蜚語真係太多~太多啦~完全多到我頂唔順呀!我寫出嚟,唔係想搏人同情…同時亦冇必要!因爲呢件事對我影響真係好大,假如唔小心傳到去我屋企人身上,我亦唔識得解釋!但為咗D[勁白癡兼無聊嘅末期愛知病患者求知欲],我真係忍唔到唔寫出嚟呀!!!!!!
那一年
5歲…當一個小朋友仲係5歲嘅時候…除咗識得玩,我諗咩到唔會知道!…屋企每日出出入入嘅人多不勝數!有個時常會跟佢媽媽去小朋友屋企嘅哥哥好鍾意同佢玩…哥哥大概大呢位小朋友7歲…每次2人玩時…哥哥會話…只要贏咗佢…佢都會用佢口…令小朋友變得舒服!當時~呢個5歲大嘅細路,根本唔知道呢個過程係乜嘢?甚至乎對佢將來有幾大影響!!!!!佢當時只會知道…呢個哥哥好犀利,佢真係覺得好舒服!而有時…呢位哥哥仲會提出叫小朋友幫佢[讓哥哥一齊舒服]嘅要求!
愛知病患者
試問一個有以上咁嘅經歷嘅人,回想呢D咁污穢畫面都想嘔嘅人,佢會懷念5歲嗰年所帶畀佢嘅[舒服時光]咩?????唔好話提啦~佢甚至連諗都唔想諗,淨想殺死呢位想當年嘅大哥哥呀!因爲佢童年根本唔需要有呢D咁醜陋嘅畫面出現!!!!!!為咗你哋一個二個[愛知病患者嘅八卦欲望],你知唔知呢篇嘢要幾大勇氣寫出嚟呀?!?呢個小朋友長大后…佢可以[接受]身邊男性朋友係[同性戀]已經係天大嘅奇跡!但佢知道……[佢永遠唔會係~亦冇可能係!!!!!]所以逼到佢要自揭瘡疤嘅人….請收下你哋D[口德]!!!!!你要記住….[你係...人哋未必係!!!!!請唔好亂咁用你哋D思想亂咁諗人!!!]
*唔好留comment,我唔識點回…..
係~係~係~UpdatE緊喇!!!
鬼上身
咁耐冇Update Blog我真係好多嘢~好多嘢~都仲係好多嘢想寫(^^) 但無奈…當我依家一寫~就好多嘢~好多嘢~都應鬼節咁…忘鬼曬(==)ll 會開呢篇BloG,全因爲身邊D人最近都中咗呢個[激心風暴之家吵屋閉]嘅[嘈喧巴閉病毒症候群](==)ll 1個2個好似[Sa姨]上身咁死猛問我有冇套[家吵屋閉](家好月圓)嘅主題曲或插曲,唉~怕咗你哋Update咗啦(最後嗰兩首呀>這些日子…
雖然知道大家淨[要歌唔睇bloG==],但我都要略略講下近況(唉~現實就係咁殘酷!歌就有人down,字就冇人讀嘅>
第25年…7月24 [How](^^)
那晚后…
[倒數結束的眼淚…]衆友意外目睹我感性的文字, 紛紛於msn送上祝福！但抱歉…當下沒心情回復！那晚隨文章上載后 , 我鼓起勇氣 , 把生日卡打開…你一筆一字所留下的訊息,看似簡單而有力的内容 , 我就哭得…像那晚一樣…
食食食(粵)
好嘞~[爛]感性感性一面到此爲止 , 係時候講返D開心嘢先 (^^) 話説~呢個生日除咗食~多嘢食~繼續食~好好食~都仲係食!!!(><)唉~ 我冇做工啫 , [唔係冇得食呀](==)ll 當然~雖然我係咁寫啫, 但其實每一餐都超美味嘅!嘻嘻XD
祝賀
嘩嘩嘩~今年真係遠遠勝過舊年多多聲呀(^^)在此真係多謝各位善長仁翁你哋誠心嘅祝賀！正所謂[善有善報], 你嘅小小心意一定會令你行好運架！(好似嗰D咩集團咁, 哈哈哈~XD)
驚喜連連
有人送蛋糕又送禮物; 有人喺msn同我傾咗好耐, 但忘記我生日; 有人明明多幾個鐘會見到我, 卻塞車來回鏟上988錄劇度送蛋糕畀我; 有人送上令我懷念嘅味道; 有人感動到我…喊咗…
更多…
呢個生日真係好多好多嘢寫…請留意下我[Comment]啦(^^)有可能仲會喺Comment 度Update [興歌推薦]新Mp3 XD
[禮物祝賀] - 林芬如+Wendy Diong , 李健平 , Kenji , Grace , Alvina , 晴 , 鄭凱凱 , 楊萬里 , Jeannie , Luke , Mandy , 妍君 , 蔡文峯 , Vivi
[電話祝賀] - Mandy , Vivi , Penny , Chloe , Ella , 米笑 , 鄭凱凱 , Wendy , Angeline , Ching Ee , Grace , 林芬如 , Katherine , Kelly , 楊耀輝 , Edmund , Winnie , Kylie , 晴 , 蔡文峯 , Sherman , 輝 , Ling , Val , 小惡魔
[sms祝賀] – Cindy , Man , ML , Grace , April , 晴 , 米笑 , Wendy , 劉樂怡 , 林芬如 , Katherine , Jie Pei , Gladys , Crabby , 梁甘玉 , I Ping , 蔡文峯 , Wyman , 佩萊 , 葉偉良 , 慧心 , 王生興 , Ivy , Xue Mei , 楊耀輝 , Chloey , Mei Wah , Fion(遙遙) , Jenny , 小羊 , 李麗華 , Kelly , Skywonder , Spider , 李采鶯 , Phonie , Seoh Yi , 周芷美 , 黃詩韻 , 小鳳姐 , Joon Fei - Featuring: [Ling , Joe , Soo Yi , Json , April] , 小豬 , 真真 , Sherman , Lee Chin
[msn祝賀] - Susan , Pennie , Lai_yihui , 芊芊 , 王生興 , Vivi , Qzec , Bunny , 妍君 , Chloey , Wan Chin , Lmin , 梁美儀 , Sammy , Simpson , Katherine , Cyctal , Shu Fung , Teng Teng , I Wuen , Nydia , Kohchunseng , 彥利
[Frienster祝賀] - ゆみです , Yew , Sky Miracle , 碧碧, catherine , TannY SHanniE , littlegirl , ChLoE ,
倒數結束的眼淚…
CHANEL的味道
7月24日一秒…一秒的流逝, 終于…也到了宣告生日結束的一刻！25號降臨前半小時…我獲得久別重逢的 [味道]！這味道是[CHANEL HOMME SPORT] 的香水…也是我最喜歡的香水味！很意外Luke會送一份對我意義非凡的生日禮物給我！因爲這味道…是[妳]給我的!
一生的認定
人一生如只能擁有一種香水味…我已認定[CHANEL HOMME SPORT]就是我的味道！與Luke結束我生日最後一餐…回家途中在車上把禮物紙拆開…小心翼翼把香水瓶拿出… 手指頭輕輕按下噴射孔…久違的香味結合甜甜的回憶再次於空氣中飛翔…從前的片段仿佛就像昨天似…
夢寐以求的禮物
11.37pm回到房間,看見床上有份禮物！把盒子打開…裏面竟然是一條我夢寐以求,渴望已久的溫暖牌[圍巾]！盒内有張紙條及卡,把卡打開…訝異的是[妳]名字！CHANEL的味道…溫暖牌圍巾…以及下午與你進餐時收到的手錶…3樣物品不期而遇的結合…就產生一種化學物般的催淚作用！我眼淚…又不自覺被地心吸力的拉扯而流出來！此時此刻…我還未看妳所寫的文字！因爲我清楚了解閲后…思緒不會讓雙手有平靜下來的一刻…所以當下還理智的我,只想衷心地對你說聲[真的真的~很謝謝你…！]
唔好意思,你係……?
Who
頭先一個人行OUG Pasar Malam時，感覺有個女仔用一種[好似識得我嘅眼神]望住我！但睄(瞧)下佢，好似唔識就冇理佢繼續行！冇幾耐……又撞倒佢！佢眼神依舊，而且仲同我笑添！微微的笑容嚟得太突然，我只有傻傻咁點下頭當打招呼！
Respect
我唔記得佢係邊個？亦唔知係咪真係識嘅？其實一路以嚟…身邊朋友都覺得我人緣好，交友廣闊，去到邊都會遇到熟人！但我本身就唔係咁認爲！因爲……我從來就冇尊重過所謂嘅[朋友]！
Memory
會咁講只因我[記憶力]好似有D問題？我背唔到電話號碼，背唔到歌詞，記唔到名……甚至乎呢兩年仲出現連樣貌都唔記得嘅情況！講得老土D就似[我喺呢一分鐘認識你,亦喺呢分鐘后遺忘你]……
Forgive
睇過幾本關於記憶力嘅書，但全都好似冇乜幫助！靠藥物…亦無補於事，而且呢种情況更經常喺我msn上出現！例子最多應該係喺msn冇放自己相嗰D！因爲單睇Email…我真係唔記得…！所以我周時會問嗰D主動同我傾偈，而我又唔記得佢嘅人[唔好意思，你係……?]如有日你見到我……但我又醒唔起你嘅時候！請你原諒我…亦希望你同我笑下… 因爲呢個笑容，我永遠會記得我曾經喺Blog度提過……
無辜的兔子…
好嬲好嬲好嬲~好嬲呀(><)!!!!!!我已經好耐未試過情緒係[一擊即爆]!最近心情就算點複雜都好…算~我忍!因爲好多問題都係自己主觀角度而幻想製造嘅!但依家我真係忍唔到囉~(><)而且我從未試過對我爸我媽咁大聲講嘢架!!!
頭先錄[靈異世界-斷魂]完結篇差唔多錄到11點!帶住勁攰嘅身體返到屋企…入門后竟然意外地見到隻狗籠有隻超~超~超得意嘅黑白色過街兔仔(^^)最犀利係呢隻兔仔竟然可以企起身齋用後面兩隻腳行路,天吖~我真係第一次睇囉!!!(我對天發誓~我絕對冇浮誇,頭先我真係睇到佢咁行路架><)
入屋后,老媽子同我講隻兔仔係大佬喺後面間茶室後巷執返嚟!沖完涼…打算落樓下同隻識雜技嘅新朋友玩下(^^)點知老竇喺樓下上嚟同我講[隻兔仔唔知點走咗出嚟,畀隻狗咬死咗]!我好大聲閙我老竇[有冇搞錯!!!!!點解隻兔仔會走咗出嚟架??????邊個放嘅????]我第一時間沖去同大佬講,佢傾緊電話~佢完全以爲我呢位冇嚟正經嘅細佬同佢講緊笑(><)然後落去樓下…我呢位相識都唔知有冇兩個鐘嘅朋友…果然真係…反咗肚(><)我…我…我當時真係好想殺咗我老竇隻冇腦狗,因爲呢次已經[唔係第一次]發生咁嘅事咗!!!!!但算啦~我冇眼睇呀(><)
我係VVIP(^^)
曹格演唱會
喺曹格演唱會開始4個鐘頭前…我擺咗個大烏龍以100蚊買咗演唱會338蚊嘅飛！最大鍋係買咗我至知我手上嗰張係[Last屎一張](><)所以好肉酸的我…就咁樣一個人傻更更去咗睇演唱會啦(==)lll
出色
意外地~成場演唱會做得幾出色架哦(^^)無論係舞臺正中間長方形的熒幕，音響，設計，Rundown，Dancer，燈光甚至乎係[曹格]都畀到我100分嘅感覺！(如果我係佢Fan屎應該會High到爆！但因爲我一個人睇，我[當正]自己係VVIP扮沉默呀XD)
側田
成場演唱會我唯一識從頭唱到尾嘅~得側田首 [男人看TV](^^)但側田佢喺演唱會上簡直籮爆呀~(><)因爲當佢要唱[決戰方世祖]時，竟然畀Dancer捉走咗！冇錯~重復多一次[竟然畀Dancer捉走咗](==)雖然[我當正自己係VVIP，但嗰一刻我真係睇到傻咗囉==ll]有冇人可以解釋呢一幕究竟發生咩事畀我聼嗎?
吖~吖~吖~
無論曹格唱得有幾好，成場演唱會係幾咁有聲有色，都不及我後面嗰兩個…[妹妹仔]!!!(==)因爲佢哋~就比曹格仲高音，畀D喇叭仲大聲！簡直就好似同<功夫>入面嘅包租婆學過[獅哮功]咁，唔嗌到人哋唔啤住佢哋…真係唔識收聲嘅(><)偏偏成場演唱會真係冇人敢啤佢哋(==)所以佢哋就無間斷發出高分貝嘅猛烈噪音加尖叫聲，係咁[吖~吖~吖~吖~吖~吖~](==)因爲[我當正自己係VVIP，我好崇高嘅，所以我原諒佢哋XDXD]!
囧最難忘的演唱會囧
演唱會結束去攞車時…..我架車后輪竟然[爆咗胎](><)我第一件事係…..上車嘆冷氣先啦(^^)因爲我當時意猶未盡[我仲係VVIP]，所以我放唔抵身份要喺車來車往嘅路上換胎呀(哈哈)等咗30幾分鐘~得啦…冇咩車啦，開始換胎(^^)電話冇電~冇街燈~冇車經過~ 我竟然敢敢死一個人喺街處換胎(^^)但好快哋…我失敗咗(><)因爲…架車竟然冇[士巴拿](==)究竟喺條咁黑嘅街上，加上電話冇電嘅情況下，我會遇到咩離奇事件咧?[未完~續](^^)
